土耳其之壞人當好人扮
2015年個時，
因為朋友Jojo去左土耳其3個月大學交流，
佢又問我有無興趣去探佢同睇熱氣球，
於是我就攞左17日假一條友飛左去伊斯坦堡搵佢。
但係中間有一斷時間，
我又自己一條友坐左十個鐘頭巴士去左綿花堡。
話説，
其實條村真係好細㗎，
通常D人唔會留底住，
黎一黎睇完個綿花堡就走。
落左巴士一入到村，
畫面就好似蜜蜂🐝見到蜜糖咁，
幾十個男人走過黎問我住邊，
又問我同唔同佢地飲茶，
對於佢地呢個舉動我差D以為自己係明星，
想要攞支筆同佢地簽名。
定一定神，
我一於無理，
雙手大力足實自己背囊，
面不改容咁
一直跟住Google map既路線走去酒店方向。
其實內心依然有D驚，
因為依然有好多人跟住尾係咁hi 9我，
所以我越走越快，
突然，
其中一個個肥佬跑左上黎我前面，
問我係咪住我會住個間酒店，
雖然都俾佢嚇一嚇，
但見佢講得出我酒店名我就答佢係，
佢就大大聲向後同個班男人大叫講左d土耳其文，
之後就好似魔法咁，
所有人四散。
而肥佬就送到我酒店門口就走左，
話有d咩可以搵佢幫手，
佢就坐係村開門口，
我心諗我又出門遇貴人喇。
直到我係酒店到搞好哂所有野之後，
我又喺村口度撞到佢，
咁見佢頭先幫左我，
我就走過去同佢講聲句多謝先啦。
佢同我講話呢度d男人好小見到亞洲女仔，
又無咩遊客過夜咁，
所以叫我小心D。
咁我真真心心信左肥佬通常都好人呢個定論，
不過屌！其實仆街最後係佢最危險囉！
當日，
我玩完之後都就快日落返到村口，
肥佬又再次出現，
佢問我想唔想睇日落🌄
佢話佢知道有個位好靚可以帶我去，
我可以坐佢電單車尾，
肥佬咁好人show me around 喎，
我諗都無諗就話好跟左佢上車。
上左電單之後，
本來我隻手放係電單車尾扶住咁，
佢就強行拉左我隻手抱住佢條肥腰。
仲越開就越快，
我唯有大力多小小抱住佢D umm 豬肉，
我未想飛出馬路死囉。
大約20分鐘既嘔心唔浪漫之旅後，
我地到左一個空地，
太陽開始落山，
紅霞沾染左靛藍色既天空，
太陽既倒影令天海連成一線。
佢打開電單車坐位，
係裏面攞左支紅酒同2隻紙杯出黎，
我係佢手到接過紅酒，
飲左半杯，
感受一下十一月既秋風，
仲有大力呼吸風中帶有既淡淡海水味，
日落陽光既溫度既時候，
肥佬係我身後大力熊抱我，
屌，
我第一反應就係佢真係好臭，
唔小心吐左d紅酒出黎。
二就係肥肉太嘔心，
我成個人直線坐底左。
我轉過頭問佢:what the fuck are you doing?
佢話:唔好咁啦，咁浪漫。
我心諗邊一part 浪漫過？
再同佢講唔好再咁做，
點知佢話：你一定鐘意我既，唔係點會同我睇日落？
我o左咀之際，
佢用右手大大力捉住我個頭向佢個面扯過去，
之後仲想咀落黎，
我大叫用盡奶力推開啦，
推到自己都”拍”一聲跌左落地
我地互相對望又o左咀。
大家都無諗過事情發展到咁樣，
佢覺得搞左咁多野都徒勞無功，
所以佢嬲左！
由o咀變到發惡，
倒哂d酒落地下係咁講土耳其文，
又話我哂哂佢d時間，
屌大家咁話啦下麻？
我地互屌fuck fuck fuck you一輪之後，
肥佬單拖自己上左電單車走左，
😨😨😨😨😨
I am like “ what theeeeee”
雖然我唔想坐你車尾，
But......我都唔想行返去。
我又望返住個大海，
屌！
個日落落完左喇，
個天黑左，
我個心都黑左。
最後我沿路折返，
冇街燈嘅公路都幾得人驚，
時唔時係灣口位就會有架車急速經過，
行左一個半鐘先返到村口啊大佬，
腳仔都無哂力。
村口再見唔到肥佬，
反而又有一個後生仔走左出黎問我，
你想唔想飲杯茶？
生命中總會遇上好人同壞人，
好多壞人睇起上黎都好似對你好好，
但其實背後想係你身上得到利益，
如果得唔到，
佢地就會頭也不回，
轉身離開。
愛情路上一樣，
因為當初既好，
好多人仲會傻痴痴以為自己做得唔好，
為對方付出得唔夠多，
情人先會離開你。
其實一d都唔需要傷心，
似好人既壞人離開你絶對係一件好事，
因為佢地係壞人呀。
要對自己有肯定，
跟左一個唔岩既人走唔緊要，
走幾多個鐘都好，
記得要用自己隻腳走返轉頭，
唔好停留原地啊，
如果唔係，
就無
下一篇
漆黑中的感動流星
#hkiger #旅遊日記 #遊記 #長文 #長文慎入
#旅行 #世界旅行 #traveler #world travel pics #travelphotography #hkig #hkiger #旅行日記 #hkiger #hkig #hktraveller #hongkongtravel #travelholic #旅行 #worldtraveler #ootd #travelrepost #worldnomads #vintage #shorthairstyles #shorthairlove #hongkong #Ljubljana #斯洛維尼亞 #slovenija
Search